Leiðir og verð
Hvernig sæki ég um LEI?
Það tekur aðeins stutta stund að sækja um, þar sem flestar upplýsingar eru fyrirfram útfylltar vegna tenginga við fyrirtækjaskrár.
Step 1
Finndu viðskiptaupplýsingarnar þínar með einföldum hætti
Step 2
Staðfestu upplýsingar, bættu við skjölum og allt er klárt
Step 3
LEI kóðinn þinn kemur með tölvupósti
Spurt og svarað
Finndu svör við spurningum þínum hér!
LEI kóði er 20 stafa kóði samsettur úr bók- og tölustöfum sem veitir skýra og einkvæma auðkenningu á lögaðilum sem taka þátt á alþjóðlegum fjármálamörkuðum. LEI kóðinn byggist á ISO staðli 17442.
Öllum lögaðilum sem koma að verðbréfaviðskiptum eða eru þátttakendur á fjármálamörkuðum er skylt að hafa LEI kóða. Frekari upplýsingar hér.
LEI-kóðinn tengir lögaðila við lykilupplýsingar sem gera lögaðilum sem stunda viðskipti á alþjóðlegum fjármálamörkuðum kleift að auðkenna sig með skýrum og einkvæmum hætti. Skylt er að nota LEI-kóðann við tilkynningar í samræmi við ýmis regluverk.
Þeim aðilum sem veita fjárfestingarþjónustu er skylt að tilkynna yfirvöldum um viðskipti með verðbréf lögaðila og nota til þess LEI kóða. Ef viðskiptavinur er ekki með LEI kóða er ekki hægt að uppfylla tilkynningaskylduna og þar af leiðandi er ekki hægt að uppfylla viðskiptapantanir. Í samræmi við Evrópureglugerðina þarf að nota LEI kóða til að bera kennsl á aðila sem eiga í verðbréfaviðskiptum og auðvelda þannig eftirlitsaðilum að greina mögulega kerfisáhættu. Markmiðið er að tryggja öryggi í verðbréfaviðskiptum.
Sérstakir útgefendur (e. Local Operating Units) sem viðurkenndir eru af alþjóðastofnuninni Global Legal Entity Identifier Foundation (GLEIF) hafa með höndum að gefa út LEI-kóða. GLEIF stýrir framkvæmd LEI-útgáfuferlisins og tryggir samræmda staðla um allan heim innan hins alþjóðlega LEI-kerfis. Sérstök nefnd sem alþjóðlega ráðgjafarnefndin um fjármálastöðugleika (FSB) stofnaði og G-20 hópurinn samþykkti hefur yfirumsjón með kerfinu.
LEI-kóði er gefinn út gegn gjaldi og einnig er árlegt endurnýjunargjald.
Verð:
- Fyrir skráningu og útgáfu LEI kóða: 79 EUR + VSK
- Fyrir árlega endurnýjun LEI kóða: 69 EUR + VSK
- Flutningur LEI kóða til Nasdaq LEI - án endurgjalds
Upphæð virðisaukaskatts er 21% þar sem lögheimili útgáfuaðila Nasdaq CSD SE er Lettland.
Svo unnt sé að uppfylla tilkynningaskylduna á réttan hátt verður LEI-kóði lögaðila að vera í gildi. Kóðann þarf að endurnýja árlega. Fjármálastofnun ber að ganga úr skugga um að kóðinn sé í gildi áður en hann afgreiðir viðskipti.
Hafa samband við Nasdaq verðbréfamiðstöð
Um Nasdaq CSD
Nasdaq CSD er verðbréfamiðstöð með útibú á Íslandi, í Eistlandi, Lettlandi og Litáen. Skráning verðbréfa hjá Nasdaq verðbréfamiðstöð eykur gagnsæi félags og áreiðanleika og gefur því tækifæri til að kynna félagið betur fyrir almenningi, kröfuhöfum og erlendum fjárfestum.
Þjónustukjarnar Nasdaq CSD eru þrír:
- Eignarskráning (frumskráning verðbréfa)
- Miðlæg varsla verðbréfareikninga
- Uppgjörsþjónusta
Auk þessarar þjónustu er útgefendum boðið upp á fjölbreytt úrval annarrar þjónustu, t.a.m. fyrirtækjaaðgerðir, hlutahafaskrár og utanumhald þeirra, ýmiskonar þjónustu við verðbréfasjóði, ISIN þjónustu og fleira.
